ROASTED LEMON CHICKEN

Marami-rami na din akong roasted chicken recipes sa archive. Hindi ko na alam kung ilan ito. Ofcourse pinaka-paborito ko dito ang aking Antons Chicken na ipinangalan ko sa aking bunsong anak na si Anton.


Paborito sa bahay ang roasted chicken. Basta ito ang ulam, asahan mong maganang kumain ang mga bata. Samahan mo pa ng homemade na gravy ay tiyak kong panalo ang kainan.


In roasting a chicken, importante ang flavor na i-inject mo sa chicken. Importante na atleat overnight mo ito i-marinade para mas malasa. Ang mga herbs and spices ay importante din para mas lalong maging espensyal ang inyong roasted chicken.


Minsan, may nabasa akong recipe ng roasted chicken na napaka-simple at napakadaling tandaan. Alam ko foreigner na taga Europe ata yung may ari ng blog. Ang nakuha ko dun ay yung pagtusok-tusok sa lemon bago ipasok ito sa katawan ng manok. At yun nga nag-burst ang lahat ng flavor ng lemon sa loob ng manok. Ang resulta? Isang malasa at masarap na roasted chicken. Try nyo din.


ROASTED LEMON CHICKEN

Mga Sangkap:
1 whole Chicken (about 1+ kilo)
1 whole Lemon
1/2 cup Olive oil
2 tbsp. Rock salt
1 tsp. ground Black pepper

Paraan ng pagluluto:
1. Gadgarin ang balat ng lemon at ilagay sa isang bowl.
2. Pagsamahin sa bowl ang ginadgad na balat ng lemon, asin, paminta at olive oil. Haluin mabuti.
3. Imasahe sa balat at loob ng manok ang pinaghalong mga sangkap.
4. Tusuk-tusukin ang lemon ng tinidor at ipasok sa loob ng manok.
5. Ilagay ang manok sa isang plastic bag o zip block kasama ang pinaghalong marinade mix. Ilagay sa fridge at hayaan ng overnight.
6. Lutuin ito sa init na 300 degrees hanggang sa maluto at pumula ang balat.

Ihain na may kasamang gravy o paborito ninyong lechon sauce.

Enjoy!!!!

Comments

J said…
sarap niyan with Mang Tomas!!!
July 14, 2011 at 9:36 PM
Dennis said…
Correct J....pero ako homemade gravy ang ginamit ko...hehehe
July 15, 2011 at 12:35 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more