SHRIMP, TOFU, PORK LIVER & VEGETABLES in OYSTER SAUCE

The last time na nag-grocery ako sa SM sa Makati, may nakita akong fresh na shrimp na headless na. I don't know kung bakit inalisan ng ulo. Sa tingin ko naman okay pa dahil wala naman itong amoy. P400 din ang kilo nito kaya ang ginawa ko 1/2 kilo lang ang binili ko. Stir fry na may kasamang gulay ang naisip kjong gawin sa shrimp na ito.

At eto na nga ang finish product na naluto ko. Bukod sa shrimp, nilagyan ko din ito ng tofu o tokwa at yung natira ko pang pork liver sa fridge. For the vegetables, carrots at chicharo lang ang nilagay ko. Di ba di naman masyadong kumakain ng gulay ang mga anak ko?

Stir fry na may kaunting sauce ang ginawa kong luto dito. Gusto ko kasi yung may sabaw na konti para ilalagay sa kanin. Gusto din ng mga anak ko ng ganun para hindi dry ang kanin nila.

Try it! Ayos na ayos sa lunch man o dinner at madali lang gawin.


SHRIMP, TOFU, PORK LIVER & VEGETABLES in OYSTER SAUCE

Mga Sangkap:

500 grams Shrimp (alisin yung ulo at balat. Hiwaan sa may likod ang hipon at alisin yung parang itim na sinulid)

3 pcs. Tofu (cut into cubes)

200 grams Pork Liver (sliced thinly)

150 grams Chicharo

1 large Carrot sliced

5 cloves Minced Garlic

1 large White Onion sliced

1/2 cup Oyster Sauce

1 tsp. Constarch

Salt and pepper to taste

1 tsp. Brown Sugar


Paraan ng Pagluluto:

1. Sa isang kawali, i-prito ang tokwa hanggang sa maluto. Itabi muna sa isang lalagyan.

2. Sa parehong kawali, bawasan ang mantika at magtira lang ng mga 2 kutsara. Igisa ang bawang hanggang mag-golden brown ang kulay.

3. Sunod na ilagay ang pork liver. Halu-haluin hanggang sa maluto.

4. Sunod na ilagay ang carrots at hipon. Timplahan na din ng asin at paminta. Halu-haluin.

5. Kung pumula na ang hipon, ilagay na ang chicharo. Halu-haluin lang ng ilang segundo.

6. Isunod na agad ang oyster sauce, brown sugar at tinunaw na cornstarch. Halu-haluin.

7. Tikman ang sauce at i-adjust ang lasa.

8. Hanguin na agad para hindi ma-overcooked ang chicharo.

Ihain habang mainit pa.

Enjoy!!!!

Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more