PORK & MUNG BEANS SPRING ROLL

Ito yung isa sa mga niluto ko nitong nakaraang birthday ng aking bunsong anak na si Anton. Marami sa atin ang tawag dito ay lumpiang shanghai. Pero ito ang aking itinawag dito komo nga iba ang aking inilaman sa lumpia at isa pa iniba ko ang paraan ng pagluluto. Nakuha ang ganitong idea sa aking kapit bahay na si Ate Joy. Pag may kainan din sa kanila madalas din siyang magluto nito.

Nung una bakit daw ito pa ang niluto ko sabi ng aking asawang si Jolly. Matrabaho daw masyado. Sabi ko naman okay lang. Ang mainam kasi sa dish na ito mura lang ang magagastos pero marami kang mapapalabas na lumpia. Ayos na ayos ito sa mga handaan.


PORK & MUNG BEANS SPRING ROLL

Mga Sangkap:
1/2 kilo Ground Pork
3 cups Mung Beans (ito yung green monggo beans na bahagya pa lang tumutubo. Yung wala na yung green na balat)
1/2 cup chopped Kinchay
1 large white Onion chopped
5 cloves minced Garlic
1 cup grated Cheese
2 tbp. Oyster Sauce
Salt and pepper to taste
40 pcs. Lumpia wrapper
3 cups Cooking oil
1 tsp. Cornstarch

Paraan ng pagluluto:
1. Sa isang kawali, igisa ang bawang at sibuyas sa kaunting mantika. Halu-haluin.
2. Sunod na ilagay ang giniling na baboy. Timplahan na ng asin at paminta. Halu-haluin hanggang sa mawala ang pagka-pink ng giniling.
3. Sunod na ilagay ang oyster sauce at mung beans. Halu-haluin. Tikman at i-adjust ang lasa.
4. Hanguin sa isang lalagyan at palamigin.
5. Bago balutin ihalo na ang kinchay at grated cheese. Haluing mabuti.
6. Balutin sa lumpia wrapper ayon sa nais na laki. Lagyan ng tinunaw na cornstarch ang gilid ng lumpia wrapper para hindi bumuka.
7. I-prito ito sa mainit na mantika hanggang sa mag-golden brown ang kulay. Hanguin sa isang lalagyang may paper towel para maalis ang excess na mantika.

Ihain ito habang mainit pa kasama ang paborito niyong catsup o kaya naman ay sweet chili sauce.

Enjoy!!!!

Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/p...
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt...
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg...
Read more