PORK ALA KING

One of may favorite din ang Chicken ala King. Gustong-gusto ko kasi yung lasa ng flavor ng butter at cream.

Ganito din ang lutong ginawa ko sa 1 kilo na pork kasim na nabili ko. Kagaya ng luto sa chicken masarap at malinamnam ang dish na ito. Ito nga ang ibinaon ng mga kids ko nitong nakaraang araw. Nakakatuwa naman at nagustuhan nila.

Try nyo din.


PORK ALA KING

Mga Sangkap:
1 kilo Pork kasim cut into cubes (adobo cut)
1 large Carrot cut into cubes
2 pcs. large Potato cut also into cubes
1 large Red Bell pepper cut into cubes
2 cups sliced Mushroom (canned, itabi yung sabaw)
1 tetra brick All Purpose Cream
1/2 cup Butter
5 cloves minced Garlic
1 large Onion sliced
Salt and pepper to taste

Paraan ng pagluluto:
1. Sa isang kaserola, igisa ang bawang at sibuyas sa butter. Halu-haluin.
2. Ilagay ang karne ng baboy at timplahan ng asin at paminta. Halu-haluin hanggang sa mawala ang pagka-pink ng karne.
3. Ilagay ang sabaw ng delatang mushroom, takpan at hayaang maluto at lumambot ang karne. Maaring lagyan pa ng tubig kun kinakailangan.
4. Kung malapit nang lumambot ang karne, ilagay ang patatas at carrots. Takpan muli at hayaang maluto ang patatas. Dapat kaunti na lang ang sabaw nito.
5. Huling ilagay ang red bell pepper, sliced mushroom at all purpose cream. Halu-haluin.
6. Tikman ang sauce at i-adjust ang lasa.

Ihain habang mainit pa.

Enjoy!!!!