PORK ASADO with STIR FRIED KANGKONG

Mahirap talagang pakainin ng gulay ang mga bata. Madalas pwersahan na ang ginagamit natin para lang sila mapakain. Sa tatlong kong anak, ang pangalawa kong anak na si James ang talaga namang napakahirap pakainin ng gulay. Para ma-please lang ako, kakain din siya kahit katiting lang.

Kaya ang ginagawa ko, hanggat maaari ay inihahalo ko na lang ang gulay sa lahat ng klase ng ulam na aking niluluto. Nagiging extender na rin at pang-garnish para lalong maging mas katakam-takam ang ating mga ulam.

Kagaya nitong pork asado na niluto ko nitong isang araw. Ginawan ko pa siya ng stir fried na kangkong at ginawa kong base sa pork asado. Tingnan nyo naman ang pict ng kinalabasan. Naging mas katakam-takam at nakadagdag pa sa aming ulam ang gulay. At huwag ka, kumain nito ang aking anak na si James. hehehehe


PORK ASADO with STIR FRIED KANGKONG

Mga Sangkap:
1.5 kilo Pork Kasim or Pigue (pahiwa ng pahaba)
2 cups Pineapple Juice
2 pcs. Star Anise
1 head Garlic
1 large Onion sliced
1/2 cup Soy Sauce
3 tbsp. Brown Sugar
1 tsp. ground Black Pepper
Salt to taste
1 tbsp. Cornstarch
1 tsp. Sesame Oil
2 taling Kangkong

Paraan ng pagluluto:
1. Sa isang kaserola pagsama-samahin ang karne ng baboy, pineapple juice, star anise, garlic, toyo, onion at timplahan ng asin at paminta. Lagyan na rin ng mga 2 tasang tubig.
2. Pakuluan ito hanggang sa lumambot at maluto ang karne. Maaring lagyan pa ng tubig kung kinakailangan.
3. Kung luto na ang karne, hanguin ito at palamigin sa isang lalagyan.
4. Magtabi ng mga 1/2 tasang sabaw o sauce na pinaglutuin ng karne.
5. Muling buksan ang apoy at pakuluin ang pinaglutuan ng karne.
6. Lagyan ng brown sugar at tinunaw na cornstarch para lumapot ang sauce.
7. Tikman ang sauce at i-adjust ang lasa.
8. Huling ihalo ang sesame oil sa sauce.
9. Sa isang kawali, ilagay ang itinabing sabaw o sauce na pinaglutuan ng karne.
10. Kapag kumulo na, ilagay ang hiniwang kangkong at i-stir fry hanggang sa maluto.
11. Hanguin ito sa isang bandehado na paglalagyan din ng asado.
12. Hiwain sa nais na nipis ang pork asado at ilagay sa ibabaw ng kangkong na niluto.
13. Lagyan ng ginawang sauce sa ibabaw ng asado.

Ihain habang mainit pa.

Enjoy!!!!

Comments

J said…
Good idea nga yan kuya para kumain ng gulay ang mga bata! Ang stepson ko din ay maselan - ayaw ng kamatis at itlog! :-(
March 12, 2012 at 9:38 PM
Dennis said…
Thank J...ah yan naman ang kinakain ni Jameso...kamatis. Gusto niya nilalagay sa burger. hehehe
March 13, 2012 at 8:47 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/p...
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt...
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg...
Read more