SIU MAI, MISUA at PATOLA SOUP

Binigyan ako ng dalawang pack (12pcs/pack) na siu mai ng kapitbahay kong si JR. Dalawa lang ang naisip kong gawin dito at ito ay yung i-steam lang siya at ang isa naman ay gamiting kong sahog sa misua at patola soup. Remember yung post ko? Pero pork bola-bola naman ang isinahog ko doon.

Simpleng-simple lang ang soup dish na ito. Ang importante dito ay ang sabaw na gagamitin. Pinakuluang buto-buto ng baboy o manok ang the best dito. Kung wala naman o nagmamadali, pwede din yung canned soup or yung instant knorr cubes. Mainam din na sariwa yung patola na gagamitin para maging manamis-namis yung sabaw na kakalabasan.

Ayos na ayos ito na soup at main course na din komo nga malalaki at ulam na ulam na ang siu mai na sahog. Pwede nyo ding lagyan ng nilagang itlog ng pugo para mas maging extra special. Try it!


SIU MAI, MISUA aT PATOLA SOUP

Mga Sangkap:
20 - 24 pcs. Pork Siu Mai o Siomai (may nabibili nito sa frozen section ng mga supermarket)
10 cups Pork or Chicken Broth (or 2 pcs. Pork or chicken cubes)
1 pc. Patola (balatan at i-slice)
2 pcs. Misua noodles
5 cloves minced Garlic
1 large Onion Sliced
2 tbsp. Canola oil
Salt and pepper to taste

Paraan ng pagluluto:
1. Sa isang kaserola igisa ang bawang at sibuyas sa mantika.
2. Ilagay ang Pork or chicken broth at hayaang kumulo. Kung wala naman, lagyan na lang ng tubig at 2 pcs. na chicken or pork cubes.
3. Kapag kumukulo na, ilagay na ang siu mai, patola at misua. Halau-haluin at hayaang kumulo hanggang sa maluto.
4. Timplahan ng asin at paminta. Tikman at i-adjust ang lasa.

Ihain habang mainit pa.

Enjoy!!!!

Comments

karen dj said…
Yes Sir! as of March 14, 2012, pinaulam ko sa 2 bubwits ko ang misua soup... yun nga lang... I used ground lean pork meat and 30 pcs boiled quail eggs (1 tray raw quail eggs sa SAVE MORE market!). I put some shredded cabbage,chopped carrots and chopped onion leaves, since my 2 kids hate to see veggies on their plate. Success naman Sir! hahah!Wagi!----karen mae g. de juan (kilala niyo na ko Sir??)
March 14, 2012 at 5:12 PM
Dennis said…
Oo naman Ms. Karen...hehehe. You should try patola in this misua soup. Lalo na yung fresh na fresh pa. It added more flavor in the soup. Parang manamis-namis ang lasa. But the again, vegies pa rin yun baka hindi kainin ng mga bagets. hehehe. Thanks again Ms. Karen :)
March 14, 2012 at 5:20 PM
J said…
Kuya nagluto ako dati ng miswa dito kaso natuyot. Ano po ba dapat ang ratio ng water to miswa para masabaw pa rin ang dish ko?
March 14, 2012 at 7:42 PM
Dennis said…
Basta dagdagan mo lang ng broth J....
March 14, 2012 at 8:42 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/p...
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt...
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg...
Read more