CHICKEN & HOFAN NOODLES GUISADO


Alam nyo ba kung ano itong Hofan noodles?   Ito yung noodles na gawa sa bigas na parang bihon natin pero malalapad ang bawat hibla.  Unang beses kong maka-tikim nito ay yung dish na Beef Hofan sa isang Chinese restaurant. 

The last time na mag-grocery kami, nakita ko itong Hofan noodles na ito at naisip ko na bakit hindi ako magluto nito pero guisado katulad ng pancit ang luto na gagawin.  For a change kung baga.

Masarap naman ang kinalabasan ng dish.   Pero aaminin ko na medyo pumalpak ako ng bahagya sa isang ito.   Hindi ko kasi na-recall na kailangan na ibabad  muna yung noodles sa tubig hanggang sa lumambot at saka iluluto.   Ang nangyari, parang lumapot yung sauce ng pancit na para tuloy spaghetti ang dating.   Siguro next time ganun na ang gagawin ko. 

Sa mga magta-try ng dish na ito, take note na kailangang ibabad muna sa tubig ang hofan noodles bago isama sa ginisang laman at gulay.


CHICKEN & HOFAN NOODLES GUISADO

Mga Sangkap:
5 pcs. Chicken Thigh  Fillet
400 grams Hofan Noodles
1 large Carrot
100 grams Baguio Beans
Repolyo 
Kinchay
5 cloves minced Garlic
1 large Onion (sliced )
1/2 cup Oyster Sauce
1/2 cup Soy Sauce
3 pcs. Egg (beaten)
1 tsp. Maggie Magic Sarap
2 cups Chicken broth or 2 pcs. Knorr Chicken Cubes dissolve in water
2 tbsp. Canola oil
Salt and pepper to taste

Paraan ng pagluluto:
1.   Ibabad ang hofan noodles sa tubig hanggang sa lumambot.   I-drain
2.   Hiwain ang mga gulay sa nais na laki na makaka-size.
3.   Timplahan ng asin at paminta ang chicken thigh fillet.   Hayaan ng ilang sandali
4.   Sa isang non-stick na kawali, i-prito ang binating itlog sa kaunting mantika.   Hanguin muna sa isang lalagyan.
 5.   Sa parehong non-stick na kawali, i-pan-grill ang chicken fillet hanggang sa pumula ng bahagya ang magkabilang side.   Hanguin at palamigin sandali.  Hiwain na sin laki  nung mga gulay.

6.   Sa isang kawali (yung magkakasya ang inyong gulay at noodles), igisa ang bawang at sibuyas sa mantika.
7.   Sunod na ilagay ang hiniwang manok.  Halu-haluin.
8.   Ilagay na ang chicken broth, oyster sauce at soy sauce.  Hintaying kumulo.
9.   Tikman ang sabaw kung tama na ang lasa.   Adjust ang timpla kung kinakailangan.
10.  Ilagay na ang hofan noodles at mga gulay.   Haluin mabuti hanggang sa ma-coat ng sauce ang lahat ng mga noodles.
11.   Hanguin sa isang lalagyan at lagyan ng hiniwang  kinchay at scrambled egg sa ibabaw.

Ihain na may kasamang patis at calamansi sa side.

Enjoy!!!!

Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more