SINAING NA TAWILIS

Sa mga probinsya katulad ng sa aking asawang si Jolly sa San Jose Batangas, nananatili pa din yung pagka-simple ng buhay at ng kanilang pamamaraan sa pagluluto.   Simpleng mga sangkap at pamamaraan ng pagluluto ay parte pa din ng kanilang pang-araw-araw na pagkain.   Kapag de rekado na ang ulam, medyo espesyal na yun para sa kanila.

Isa sa mga napaka-simple nilang pang-ulam ay itong sinaing na isda.   Pangkaraniwan tulingan ang ginagamit nilang isda dito.   Minsan naman ay itong isdang tawilis.   Masarap ang isdang ito.   Kahit na may kaliitan, masarap naman ang laman nito.

Kapag nag-sasaing ng tawilis, binabalot nila ito sa dahon ng saging at pagkatapos ay tinatalian.   Komo wala namang puno ng saging sa condo namin sa Cubao (hehehehe), dahon na lang ng pechay tagalaog ang aking ginamit.   Masarap naman ang kinalabasan.


SINAING NA TAWILIS

Mga Sangkap:
1/2 kilo Fresh Tawilis
Pechay (yung dahon lang)
1 large Onion (sliced)
5 cloves minced Garlic
1 thumb size Ginger (sliced)
1 tsp. Maggie magic Sarap (optional)
1/2 cup Vinegar
Salt and pepper to taste

Paraan ng pagluluto:
1.   Sa isang bowl (microwaveable) ilagay ang dahon ng pechay at lagyan ng kaunting tubig.   Isalang ito sa microwave sa loob ng 1 minuto.   Palamigin
2.   Balutin ang isdang tawilis sa dahon ng pechay at ilagay sa isang heavy bottom na kaserola o palayok.
3.   Ilagay ang natitira pang mga sangkap:  Sibuyas, bawang, luya, asin, paminta, maggie magic sarap at suka.   Lagyan din ng 1 tasang tubig.
4.   Isalang sa apoy at hayaang maluto hanggang sa kumonte na lang ang sabaw.
5.   Tikman ang sabaw (patis) at i-adjust ang lasa.

Ihain habang mainit pa.

Enjoy!!!!

Comments

J said…
Espesyal talaga itong ulam na ito, kuya! Pede kaya ito sa mga isda dito?
October 26, 2012 at 8:36 AM
Dennis said…
I think pwede din J.....pero ang pinaka-kailangan sa dish na ito ay yung dried kamias na pampaasim sa dish. hehehehe.
October 26, 2012 at 11:09 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more