GOURMET SAUSAGES and EGG SCRAMBLED

Mula nang ma-discover ko ang sarap ng lasa ng mga gourmet sausages na ito, naging part na din siya ng aming agahan.   Hindi naman as in every week, pero basta nagustuhang bumili sa supermarket o specialty store.

Kagaya ng nasabi ko sa aking nakaraang post, medyo may kamahalan ang mga ganitong klaseng sausages.   Kagaya nitong nabili na 1/2 kilo ng Hungarian Sausage na ito, P175 siya for 1/2 kilo.   Napabili ako kasi may free na 20% or 1 pc. ng Italian Sausage.  Alam nyo naman ako basta may mga freebies napapabili talaga ako.   hehehehe

Yung Italian sausage at 2 piraso nung Hungarian ang inilagay ko sa Cicken stew na post ko kahapon.   Yung 6 na piraso (tama ba bilang ko? or 5 lang) ay ginawa kong ngang pang-ulam sa aming breakfast.

Para dumami at magkasya sa aming lahat, niluto ko ito with scrambled egg.   With little minced garlic, onions and tomatoes, naging masarap ang aming agahan that morning.  hehehehe



GOURMET SAUSAGES and EGG SCRAMBLED

Mga Sangkap:
5 to 6 pcs. Hungarian or any kind of Sausages (sliced)
4 pcs. Egg (beaten)
1 large Onion (sliced)
5 cloves minced Garlic
2 pcs. Tomatoes (sliced)
1/2 tsp. Maggie Magic Sarap
salt and pepper to taste
2 tbsp. Butter or Olive oil

Paraan ng pagluluto:
1.   Sa isang non-stick na kawali, i-prito ang hiniwang sausage sa butter o olive oil hanggang sa pumula ng bahagya.
2.   Sunod na igisa ang bawang, sibuyas at kamatis.   halu-haluin.
3.   Ilagay ang binating itlog.   Ikalat ito sa paligid ng kawali at hayaang mabuo ng konti.
4.   Kung medyo naluto na ang itlog, timplahan ng asin, paminta at maggie magic sarap at halu-haluing mabuti.
5.  Hanguin na kung naluto nang maigi ang itlog.

Ihain na may kasamang mainit na sinangag o kaya naman ay hot pandesal.

Enjoy!!!1

Comments

J said…
Ahehe ako rin nakabili ng gourmet sausage kanina kuya. Sale din - 2 for $5. Tapos may S1 off coupon ako kaya $2 lang isa. Winner diba? ;-)
November 10, 2012 at 6:57 AM
Dennis said…
Sarap niyan.....hehehehe...anong klase nabili mo?
November 10, 2012 at 7:50 PM
Anonymous said…
you're the best talaga kuya. thank you.
December 21, 2012 at 9:40 PM
Dennis said…
Salamat Anonymous...Pakilala ka naman. :) Also, pa-click naman ng mga ads and share mo din itong blog among your friends and relatives.

Merry Christmas
December 22, 2012 at 12:21 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more