MY SON JAKE CONFIRMATION DAY

Last Saturday November 10, 2012, ginanap ang confirmation o kumpil ng aking panganay na anak na si Jake sa Sto. Cristo Parish sa San Juan City.  In-organized ito ng school na kanyang pinapasukan ang Aquinas School.

Sa mga hindi Catholic, ang kumpil o confirmation ay ang kaganapan ng binyag ng isang Katolikong Kristyano.   Nung bininyagan kasi pangkaraniwan ay mga sanggol pa at ang mga Ninong at Ninang ang sumagot muna in behalf nung batang binibinyagan.   Sa kumpil, dito sumasagot na ang kinukumpilan bilang pagsangayon sa pananampalatayang kanyang inaaniban.

Maaga pa lang (7:30am) ay pinapunta na sila sa simbahang paggaganapan ng kumpil.   At habang naghihintay, picture-picture muna sila ng kanyang mga ka-klase.

9:00am ay sinimulan din ang pagkukumpil.   Isa-isang pumasok sa simbahan ang mga kukumpilan kasama ang kanilang mga Ninong at Ninang.   Sa case ng aking anak, ang aking asawang si Jolly ang nag-proxy.   Nasa Chicago sa Amerika kasi ang kaniyang mga ninong at ninang na sina Bong at Monette Fortu.

Sinimulan ang pagdiriwang sa isang banal na misa.   Pinangunahan ito ng isang Obispo at ang parish priest ng simbahan.   Sorry po ang nakalimutan ko ang pangalan ng Obispo.

Sa sermon ng Obispo, ipinaliwanag niya ang tungkulin ng isang kabataang kristyano.  Inihalimbawa din niya ang bago nating santo si Santo Pedro Calungsod.   Kung papaano niya isinakrispisyo ang kanyang buhay para sa kanyang pananampalataya.

After ng sermon ay isa-isa nang pumila ang mga kukumpilan sa harap ng altar para sa pagbabasbas ng Obispo.

Lahat ay nangingiti dahil dun sa part na sasampalin ng Obispo ang kanang pisngi ng kukumpilan.  Hindi ko alam kung ano yung tinatanong o sinasabi ng Obispo.   Parang tanong na kung mali ang iyong sagot ay masasampal ka.   hehehehe

Natapos ang misa at pagkukumpil ng mga 11:00am na nang umaga.  Nagkaroon din ng group picture kasama ang pari at ang obispo.

Pagkatapos noon, ay sinundo na namin ang bunso kong anak sa kanyang school.   May tutorial kasi siya.   Dumiretso kami sa Gateway Mall sa Cubao para sa aming lunch.

Marami kaming pinagpilian na resto at sa Burgo kami napadpad.   Hehehehe.

For the starter, cheddar cheese crispy fries ang in-order ng mga bata.   Wala pa sigurong 5 minutes ay naubos agad ito.

Main course namin ay itong baby back ribs with shrimp.   Ewan ko, pero parang wala akong nalasahang espesyal sa dish na ito.   Hindi din siya malambot na malambot na halos makalas na sa buto.

At ang huli ay itong 4 flavor na pizza.   Hindi ko man natikman ang lahat ng flavor, pero ganun pa din, parang bitin sa lasa at sarap ang pizza ito.

Medyo may kamahalan sa resto na ito.   Ang total bill ay umabot ng kulang-kulang P2,400.   Mahal di ba?   Pero okay na din, espesyal na araw naman ito ng aking anak na si Jake.

Sa biyayang ito na tinaggap ng aking anak, dalangin ko na sana ay patnubayan siya lagi lalo na sa kanyang pag-aaral.   Ilayo nawa siya sa masasamang loob at lumaki siyang may pagmamahal sa Diyos, sa kanyang mga magulang at mga kapatid.

Amen.