CELEBRATING NEW YEAR in MY HOME TOWN

Every year, tuwing bisperas ng Bagong Taon, ang lahat ng aking kapamilya sa father side sa Bocaue Bulacan ay nagkakaroon ng party bilang pagsalubong sa bagong taon.   Matagal na namin itong ginagawa.   Ginagawa namin ito para hindi antukin habang hinihintay ang ang pagsapit ng bagong taon.

 Bago ang party party, dumalo muna kami ng aking pamilya sa isang misa.   Ito ay bilang pasasalamat na din sa nakaraang taon at pagdalangin ng isang mabiyayang bagong taon.

 Pagkatapos ng aming pagsisimba ay diretso naman kami sa bahay ng aking Tiya Lagring para sa isang salo-salo.

This year, ang mga katandaan ang punong abala sa paghahanda ng kakainin at ng mga gagawin para sa party.   Last year pala ay ang mga kabataan naman.

 Marami ang pagkain na aming pinagsaluhan.   Una na dito ay itong Yang Chow Fried Rice.

 Mayroon ding Chicken Barbeque

Fish Fillet with Mayo-Garlic Sauce

Pork Asado

Halabos na Alimasag

At kasama itong enseladang mangga, kamatis at sibuyas.

Mayroon din nitong pampabata na Crispy  Pata.

Cake for dessert.   Mayroon ding Leche Plan, Kalamay Latik at Bibingka.

Pagkatapos ng masaganang hapunan at sandaling pahinga ay inumpisahan na namin ang party.   Marami ang palaro na aking inihanda.   Ang nagbigay pala ng pa-premyo na cash (P5,000) ay ang aking pinsan na kakagaling lang ng Amerika na si Kuya Raul.   May special performer din kami na bisita (c/o Grace) ang mga beki na nag fire dance.

 Natapos ang programa at mga palaro mag-11 na at hinintay na lang namin ang paglilipat ng taon sa panonood ng nag-gagandahang fireworks.   Di ba fireworks capital of the Philippines ang Bocaue?

At habang naghihintay nga ng alas-12, ang iba namang kapamilya ay abala sa pagluluto ng barbueque at kung ano-ano pang inihaw at pika-pika.   May pork barbeque, hotdogs, french fries, fish balls, kikiam at iba pa.   Mayroon din palang arroz caldo.

Pagkatapos ng barbeque party ay nagkaroon din ng  pa-bingo ang asawa ng pinsan kong balikbayan na si Ate Tere.   Siguro mga P20,000 cash ang kind din ang ipinamigay ng madaling araw na iyun.   Sad to say, hindi man lang ako nanalo kahit P100 lang.....hehehehe.

 At syempre, mawawala ba ang picture-an ng lahat.   Hehehehe.

Kinabukasan, kahit puyat, ay busy naman ang lahat para sumama sa parada.   Ang paradang ito ay sa pagdiriwang naman ng Araw ni Rizal o Rizal Day.

Ewan ko.  Pero ayon sa aking Tatang Villamor, nakagisnan na niya na sa ika-1 ng Enero ito ipinagdiriwang.   At isa nga sa mga programa ay itong parada ng mga karosa na inililibot sa apat na barangay sa amin sa Bocaue.

 Maraming karosa na lumahok sa parada.   May kani-kaniyang tema at isa na dito ang picture sa itaas na may temang Kababaihan ng Malolos.

 Ang sa amin naman ay itong karosa bna may Sta. Claus na nagsasabog ng candies sa lahat ng aming nadaanan.   First time kong sumama sa karosa kasama ang aking asawang si Jolly at 3 kong mga anak.   Enjoy talaga ang experience na ito.

 Papaanong di ka mag-e-enjoy, sa lahat ng nadaanan ay puno ng tao na nag-aabang sa mga nag-gagandahang karosa.

 At natapos ang parada na may pagod pero masaya sa bagong experience na yun.

Dalangin ko na ang bagong taon na 2013 ay maging mabunga para sa aking pamilya at sa lahat ng tagasubaybay ng food blog kong ito.

HAPPY NEW YEAR!!!


Comments

Popular posts from this blog

FOOD SUGGESTIONS para sa mga MAHAL na ARAW

Sinigang na Baboy

Tinolang Manok