FLYING TINOLA with SOTANGHON


Natatawa ba kayo o nagtataka sa dish natin for today?   Hehehehe.   Actually, ginamit ko lang yung word na 'flying' kasi pakpak ng manok ang ginamit ko sa tinola dish na ito.   Hehehehe.   Yes, simpleng tinolang manok lang ito pero nilagyan ko syempre ng twist.   Bukod sa sotanghon nilagyan ko din ito ng achuete oil.   Nakadagdag ito flavor at mas naging katakam-takam ang inyong tinola kapag ganitong may kaunting kulay.   Di ba ang laki ng pagkakaiba?

Ang tinolang manok marahil ang isa sa mga soup dish na tanyag sa ating lahat.  Pwede ko sigurong masabing next ito sa paborito ng lahat na sinigang.   Katulad ng sinigang napaka-flexible ng dish na ito.   Pwede mo itong lagyan ng kung ano-ano pa para sumarap.  Remember yung tinola ko na nilagyan ng pakwan?   Sabi nga, hindi tayo dapat matali sa nakagawian na.   Try to experiment.   Dun naman tayo natututo di ba?  :)


FLYING TINOLA with SOTANGHON

Mga Sangkap:
1 kilo Chicken Wings
300 grams Chicken Liver
1 pc. large size Chayote o Sayote (tinola cut)
Sotanghon noodles (yung 25 grams ba yun)
1 tsp. Achuete Seeds
Dahon ng sili
4 pcs. Siling pang-sigang
1 tsp. Maggie Magic Sarap
2 thumb size Ginger (sliced)
1 large Onion (sliced)
5 cloves minced Garlic
2 tbsp. Canola oil
salt and pepper to taste

Paraan  ng pagluluto:
1.   Sa isang heavy bottom na kaserola, ilagay ang achuete seeds sa mainit na mantika hanggang sa lumabas ang kulay nito.   Alisin ang mga buto ng achuete sa kaserola.
2.   Sunod na igisa ang luya, bawang at sibuyas.   Halu-haluin.
3.   Ilagay na ang pakpak ng manok at timplahan ng patis, asin at paminta.   Takpan at hayaang masangkutsa.
4.   Lagyan ng nais na dami ng tubig na pang-sabaw.   Takpan muli at hayaang kumulo hanggang sa maluto ang manok.
5.   Sunod na ilagay ang atay ng manok, hiniwang chayote, sotanghon at siling pang-sigang.  Takpan muli at hayaang maluto ang atay at gulay.
6.   Timplahan ng maggie magic sarap.   Tikman ang sabaw at i-adjust ang lasa.
7.   Huling ilagay ang dahon ng sili at saka patayin ang apoy.

Ihain habang mainit pa ang sabaw.

Para sa isang masarap na kain, kumuha ng piraso ng atay ng manok, durugin ito sa isang platito kasama ang siling pangsigang at patis.   Gawin ito bilang sawsawan ng inyong tinola.  Enjoy!!!!

Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more