HAPPY 4TH YEAR ANNIVERSARY sa LAHAT!!!!

WOW!  Parang kailan lang nang inumpisahan ko ang Food Blog kong ito.   Parang kailan lang na pabasa-basa lang ako ng mga paborito kong food blog, pero 4 years na pala na ako na ang nagpo-post ng aking mga niluluto sa sarili kong food blog.

Napakaraming nangyari sa akin sa food blog kong ito nitong nakaraang taon.   At nais kong pasalamatan kayong lahat na taga-subaybay ko mula sa aking puso.   Kung hindi dahil sa inyo, hindi marahil ako magtatagal sa pagpapatuloy sa food blogging kong ito.

Unang nangyari ay nung maimbitahan ako ng mga estudyante ng De la Salle University sa Taft Ave. Manila para maging speaker ng isang org nila.

Pangalawa ang pag-reach ko sa aking ika-1,000 na post.   Big deal sa akin ito dahil halos lumalabas na nakakapag-post ako almost everyday mula nang mag-start akong mag-blog.

Pangatlo ang paglakas ng traffic sa mga bumibisita sa blog kong ito.   At dahil dito, nakatanggap na din ako ng payments mula sa Google.   For 2012, 2 beses na akong naka-received ng payments.   Maliit pa lang naman, pero okay na din.

Pang-apat, nakapag-create na din ako ng fan page sa Facebook na dahilan para mas lalo pang lumakas ang traffic sa blog.   Sana lang ay i-like nyo ito at i-share pa sa inyong mga kaibigan.

Utang ko sa inyong lahat ang tagumpay ng MGA LUTO NI DENNIS AT IBA PA.   Kung hindi dahil sa inyo, at sa mga naka-inspire na mga coment ninyo sa akin, mas lalo ko pang ginagalingan ang aking mga ginagawa.   Di nyo ba napansin, gumaganda na ang mga picts ng post ko?   hehehe.

Wish ko na sana ay tumagal pa ang munting tambayan natin na ito.   Dumami pa sana ang bumibisita (at nagki-click ng mga ads....hehehe) at lumakas pa sana ang traffic.  Hehehe

Wish ko din na sana ay magkaroon na ako ng DSLR na camera para mas lalo ko pang mapaganda ang aking mga pino-post.   At sana din ay huwag akong magkakasakit para marami pang recipes ang aking ma-post.

Sa inyong lahat, muli ang aking pasasalamat sa patuloy nyong pagtangkilik.

MABUHAY TAYONG LAHAT!!!!