LUMPIANG SHANGHAI - Budget Ulam

May ilang recipes na rin ako nitong Lumpiang Shanghai sa archive.   Actually, hindi yung recipes ang gusto kong i-punto sa posting kong ito, kundi ang pagiging budget friendly nito at yung kung papaano pa ito mai-improve sa lasa at sa pagluluto.

Budget friendly, kasi naman kahit half kilo lang ng giniling ang gamitin mo, marami ka nang lumpiang magagawa.   Samahan mo lang ng iba pang malalasang sangkap ay ayos na.   Ilagay mo na lang sa isang container at ilagay sa freezer, ilabas mo lang kung lulutin mo na.

Para ma-improve at mas lalong maging masarap, haluan ito ng mga sangkap na malalasa kagaya ng kinchay at red bell pepper.   Pwede mo ding haluan ng longanisa o kaya naman ay tinapa.   Kung gusto mo mo naman ay cheese o bacon.   Kung baga, endless ang pwede mo pang ihalo sa lumpia.

Sa pagluluto, mas mainap na i-freezer muna ito bago lutuin.   Putulin ng mga half inch ang haba saka prituhin.   Natutunan ko ito sa aking kaibigang si Shiela na mas mainam putulin ang lumpia kapag na-freezer muna ito.   Walang problema ito habang niluluto dahil hindi lalabas ang palaman na inilagay.

Try nyo din.  :)


LUMPIANG SHANGHAI - Budget Ulam

Mga Sangkap:
1/2 kilo Giniling na Baboy
1 cup Toge (yung di pa masyadong tumutubo)
1 medium size Red Bell Pepper
1/2 cup chopped Kinchay
1 cup Singkamas (cut into small cubes)
1 large Onion (finely chopped)
1 tsp. Sesame Oil
1/2 cup Flour
2 pcs. Egg (beaten)
Salt and pepper to taste
Lumpia wrapper
Cooking oil for frying

Paraan ng pagluluto:
1.   Sa isang bowl, paghaluin lamang ang lahat ng mga sangkap maliban lang sa lumpia wrapper at cooking oil.   Maaring mag-steam o mag-prito ng kaunting pinaghalong mga sangkap para malaman kung tama na ang timpla.
2.   Balutin ito sa lumpia wrapper sa nais na haba at laki...at pahiran ng binating itlog ang gilid para maisara ito at hindi bumuka.
3.   I-freezer muna ng overnight bago i-prito.
4.   Kung gusto ninyo nung idea ko na i-cut ang lumpia ng mga 1/2 inch ang haba bago i-prito.
5.   I-prito ito sa kumukulong mantika hanggang sa mag-golden brown ang kulay.
6.   Hanguin sa iang lalagyang may paper towel.

Ihain na may kasamang sweet chili sauce.

Enjoy!!!

Comments

J said…
Ay oo kuya! Panalo talaga ang lumpia kasi maraming magagawa sa kaunting karne. Mahirap lang humanap ng lumpia wrapper dito kaya kadalasan ay siomai ang nangyayari sa amin heheh.
January 21, 2013 at 10:51 PM
Dennis said…
Pwede din and wonton wrapper J...Yun lang medyo mahirap balutin at kakaunti nlang ang maipapalaman mo. Hehehehe. Sa mga Asian store di ba meron?
January 22, 2013 at 9:09 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more