RED PORK SINIGANG - With TOMATO SAUCE?

Yes.  Tama ang basa ninyo sa pangalan ng recipes natin for today.   Red Pork Sinigang.   Napanood ko lang ito sa isang commercial ng isang sikat na tomato sauce product.   Nag-dalawang isip talaga ako bago ko ito sinubukan.   Pero sa isip ko lang, hindi naman siguro maglalabas ng ganitong commercial kung hindi tried and tested yung recipe.  Isa pa, nilalagyan naman talaga natin ng kamatis ang ating sinigang, so pepwede talaga.

Actually, sinigang talaga siya sa sangkap at paraan ng pagluluto.   Ang pagkakaiba lang talaga ay yung paghahalo ng tomato sauce habang pinapakuluan ang karne.  Sa pamamagitan nito nagkukulay pula ang sabaw ng ating sinigang.

Pero wag ka, ang dating masarap nang pork sinigang ay mas lalo pang sumarap.  Try nyo din



RED PORK SINIGANG - With Tomato Sauce?

Mga Sangkap:
1 kilo Pork Liempo (cut into cubes)
1 tetra pack Tomato Sauce
1 sachet Sinigang sa Sampaloc Mix
2 pcs. Kamatis (quartered)
1 large Onion  (quartered)
Talbos ng Kangkong
Labanos (sliced)
Sitaw
Okra
Siling  pang-sigang
Salt and patis to taste

Paraan ng pagluluto:
1.   Sa isang kaserol, ilaga ang pork liempo sa nais na dami ng tubig hanggang sa lumambot.   Huwag kalimutan na lagyan ng konting asin.
2.   Kung malapit nang lumambot ang karne, ilagay na ang sibuyas, kamatis at tomato sauce.  Hayaang kumulo pa.
3.   Sunod na ilagay ang sitaw, okra, labanos at siling pang-sigang.   Hayaang maluto ang gulay.
4.  Huling ilagay ang sinigang mix at talbos ng kangkong.
5.  Tikman ang sabaw at i-adjust ang lasa.

Ihain habang mainit pa ang sabaw.

Enjoy!!!

Comments

i♥pinkc00kies said…
first time to hear na pwede pala yan
January 27, 2013 at 2:18 PM
Dennis said…
Napabood ko lang din sa tv pinkcookies...naisip ko din pwede naman...kasi naglalagay tayo ng kamatis sa sinigang di ba?

January 27, 2013 at 7:05 PM
J said…
Oo nga kuya... nilalagyan naman ng kamatis ang sinigang hehe. Ayos ito!
January 28, 2013 at 11:55 AM
Dennis said…
Napapanood mo ba ang Master Pinoy Edition dyan sa inyo J? Today kasi d2 sa Pinas, sinigang na may tomato sauce din ang nag-top sa invention test nila. Sabagay, masarap naman talaga yung ganitong version ng sinigang. Try mo din. hehehe
January 28, 2013 at 1:53 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more