FRIED RICE with PORK CHICHARON

Masarap talagang almusal sa umaga ang fried rice o sinangag na kanin.   Masarap talaga lalo na kung maraming bawang at mantikang baboy ang gagamitin mo.  hehehehe.   Kaya lang, minsan nagiging boring na nakagawian nating sinangag.   Mas masarap kung may konting sahog na gulay like carrots, corn, peas o kaya naman ay chopped na ham or bacon.

Ako madalas bawang at binating itlog lang ang inilalagay ko.   Pero nang makita ko itong chicharong baboy na nabili ko, naisipan kong bakit hindi ko lagyan nito.   Siguro iisipin nyo, e di kumunat yung chicharon kapag inihalo sa mainit na sinangag?   Okay lang.   Yung flavor naman ang magdadala at magpapasarap sa inyong sinangag.   For extra crunch pwede nyong i-top ng chopped chicharon ang inyong sinangag bago ihain.   Try nyo din po.


FRIED RICE with PORK CHICHARON

Mga Sangkap:
6 cups Rice
1 head minced Garlic
3 tbsp. Mantikang Baboy or ordinary cooking oil
2 cups Chicharong Baboy (chopped)
1/2 tsp. Maggie Magic Sarap
Salt and pepper to taste

Paraan ng pagluluto:
1.   Sa isang non-stick na kawali, i-brown ang bawang sa mantikang baboy o ordinaryong mantika.
2.   Ilagay na agad ang kanin at timplahan ng asin, paminta at maggie magic Sarap.   Halu-haluin.
3.   Sunod na ilagay ang 1 cup na chopped chicharon.   Patuloy na haluin.
4.   Tikman at i-adjust ang lasa.

Ihain habang mainit pa na may budbod na chopped chicharon pa rin sa ibabaw.

Enjoy!!!!

Note:   Mas mainam kung yung long-grain rice ang gagamitin sa sinangag.   Also, i-fridge muna ng overnight ang kanin bago isangag.   TY