PENNE PASTA ala CUBANO

Actually nagaya ko lang ang pasta dish na ito sa isa pang binibisita ko na food blog.   Matagal ko na siyang gustong i-try pero nitong nakaraang weekend ko lang nasubukan.

Ala Cubano kasi ganito ata magluto ang mga taga-Cuba ng pasta nila.   Yun bang niluluto lahat sa isang lalagyan lang.   Not like kung magluto tayo ng pasta, inilalaga muna natin ang pasta, ide-drain tapos ay ihahalo ang sauce.   Dito, kasamang niluluto ang pasta sa ginisang mga sangkap.   Para din lang paella, yung kanin at ulam ay sama-sama na sa isang lutuan.


PENNE PASTA ala CUBANO

Mga Sangkap:
500 grams Penne orPasta
300 grams Ground Beef
4 cups Beef Stock (or 2 pcs. Beef Cubes)
2 cups Tomato Sauce
3 pcs. Tomatoes (sliced)
1 large Onion (chopped)
1 head Minced Garlic
1/2 tsp. Dried Basil Leaves
1/2 tsp. Dried Oregano
2 cups Grated Cheese
Salt and pepper to taste
3 tbsp. Olive Oil

Paraan ng pagluluto:
1.   Sa isang heavy bottom na kaserola, igisa ang bawang, sibuyas at kamatis sa olive oil.
2.   Isunod na ilagay ang ground beef, dried basil, dried oregano at timplahan ng asin at paminta.
3.   Ilagay na din ang beef stock at hayaang kumulo.
4.   Sunod na ilagay ang penne pasta at tomato sauce.   Halu-haluin para hindi dumikit sa bottom ng kaserola ang pasta.   Maaring lagyan ng tubig kung tingin nyo ay kulang o natutuyo na ang sabaw.
5.  Tikman ang sauce at i-adjust ang lasa.
6.  Kung malapit nang maluto ang pasta, ilagay na ang 1 cup na grated cheese.   Halu-haluin muli.   Takpan muli at patayin na ang apoy.

Hayaan muna ng mga 15 minuto para umalsa ang pasta bago ihain.

Ihain na may grated cheese sa ibabaw.

Enjoy!!!!