FRIED TANIGUE with OYSTER SAUCE



Sa mga espesyal na handaan importante syempre ang lasa ng mga pagkaing ating inihahanda.   Syempre naman para hindi tayo mapahiya sa mga inimbitihan nating mga bisita.   Sa mga handaan din lalo na kung marami ang handa at pagpipilian na pagkain, importante din na dapat ay katakam-takam ang itsura ng mga pagkain.   Bakit naman?  Kasi nga ang mga mata natin ang unang kumakain.   Kung baga, kung alin yung masarap tingnan yun ang kinukuha natin una.

Yun ang ini-apply ko dito sa fried tanigue na handa ng bayaw kong si Kuya Alex sa idinaos nilang salo-salo last Sunday. (Yung post ko yesterday).   Ni request niya na gawan ko ng sauce ito.   At sa halip na basta oyster sauce o kung ano pa mang sauce ang aking inilagay, nilagyan ko din ng kaunting color sa pamamagitan ng paglagay ng carrots at Baguio beans.   O di ba nag-mukhang mas masarap ang dish na ito.   Kaya naman ang dish na ito ang isa sa naunang maubos sa mga putahaeng nasa hapag.


FRIED TANIGUE with OYSTER SAUCE

Mga Sangkap:
1 kilo Fresh Tanigue (sliced)
1/2 cup Oyster Sauce
1/3 cup Soy Sauce
2 thumb size Ginger (cut into strips)
1 pc. large White Onion (sliced)
1 head minced Garlic
100 grams Baguio Beans (cut into 1 inch long)
3 cups Fish Stock o 2 pcs. Fish Cubes 
1 large Carrot (cut into strips)
1 tsp. Sesame Oil
3 tbsp. Butter or Cooking Oil
2 tbsp. Brown Sugar
2 tbsp. Cornstarch
Salt and pepper to taste
Cooking oil for frying

Paraan ng pagluluto:
1.  Timplahan ng asin at paminta ang bawat piraso ng tanigue.   Hayaan ng ilang sandali.
2.   I-prito ito hanggang sa mag-golden brown ang magkabilang  side ng isda.  Hanguin sa isabng lalagyan.
3.   For the sauce:   Igisa ang luya, bawang at sibuyas sa kaunting mantika o butter.
4.  Isunod agad ang mga gulay, soy sauce at oyster sauce.   Halu-haluin.
5.  Ilagay na din ang fish stock at timplahan ng asin, paminta at brown sugar.   Hintaying kumulo.
6.  Ilagay na ang tinunaw na cornstarch ta halu-haluin hanggang sa lumapot ang sauce.
7.   Tikman ang sauce at i-adjust ang lasa.
8.   Huling ilagay ang sesame oil
9.  Ibuhos ang sauce sa piniritong tanigue.

Ihain habang mainit pa.

Enjoy!!!!

Comments

Anonymous said…
salamat sa recipe...
April 2, 2014 at 12:03 PM
Dennis said…
Salamat din Myhoneybunch....:)
April 2, 2014 at 1:31 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more