PINATISANG PRITONG MANOK

Tuwing umuuwi kami sa bahay ng aking biyenan sa San Jose Batangas, dumadaan muna kami ng palengke ng San Jose para mamili ng mga pagkaing kakailanganin namin sa mga araw na mag-stay kami doon.   Mahirap kapag may nakalimutan kang pag-sangkap sa ulam dahil may kalayuan din ang bahay ng aking biyenan sa kabayanan.

Kagaya nitong nangyari sa manok na ito na aking niluto nitong nakaraang Miyerkules Santo.   Nakalimutan kong bumili ng breadings na gagamitin ko sa pagpi-prito.   Ang ginawa ko na lang ay naghanap ako ng available at pwedeng pampalasa sa kusina ng aking biyenan.   At yun nga, minarinade ko na lang ang manok sa patis at sa pamintang dinurog mula sa kanilang taniman ng paminta.

Ang resulta?   Isang masarap ng pritong manok na nalalasahan mo talaga ang tunay na lasa ng manok.   Masarap talaga lalo na kung isasawsaw mo sa banana catsup.   Yummy!!!!


PINATISANG PRITONG MANOK

Mga Sangkap:
5 pcs. Chicken Legs (cut into 2 pcs)
1/2 cup Purong Patis
1/2 tsp. Pamintang Durog
1 tsp. Maggie Magic Sarap
Cooking Oil for frying

Paraan ng pagluluto:
1.   Hiwaan ang bawat piraso ng manok ng sagad hanggang buto.
2.   I-marinade ito sa patis, paminta at maggie magic sarap.   Hayaan ng 1 oras.   Overnight mas mainam.
3.   Pahiran ng paper towel ang bawat piraso ng manok bago i-prito sa kumukulong mantika.
4.   Lutuin sa katamtamang lakas ng apoy hanggang sa mag-golden brown ang kulay.

Ihain habang mainit pa na may kasamang banana catsup.

Enjoy!!!!

Comments

Anonymous said…
Masarap na at hindi pa magastos! May ginawa rin akong katulad niyan although may halong kalamansi. Anyway, marami akong nakukuhang mga recipe mo na hindi cozy. thanks bro

Eric
April 25, 2014 at 9:08 AM
Dennis said…
Thanks Eric....Nasubukan ko na rin yung may calamansi masarap talaga. pero i-try mo din itong patis lang at magic sarap....lasang-lasa mo talaga yung lasa ng manok. Yummy!!!!
April 25, 2014 at 2:28 PM
Lian@9_16 said…
Hi po. Thanks po ang sarap talaga ng resipe niyo. Good job
June 6, 2016 at 7:34 PM
Dennis said…
Thanks din Lian....Please continue supporting my blog. May mirror site din pala ako...sa www.mgalutonidennis.com
June 7, 2016 at 11:12 AM
vilma said…
hndi po kaya sobrang alat pag minarinade ng mgdamag?
September 16, 2017 at 7:10 AM
Unknown said…
Hindi po sya maalat sir? Pwede sa toodler na 1yr old? Kasi po patis.
November 19, 2017 at 10:45 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more