MOTHER'S DAY OUT 2014

Yesterday, ipinagdiwang nating lahat ang Araw ng mga Ina o Mother's Day.   Kami kahit sa isang simpleng selebrasyon ay ipinagdiwang din namin ito ng aming pamilya.   Ala singko pa lang ng umaga ay maaga na akong gumising para bumili ng bulaklak para sa ina ng aking mga anak.   Ang asawa kong si Jolly.

Every year hindi ko nakakalimutan na ibili siya ng bulaklak para sa ganitong okasyon.   Wala man akong gift na maibigay, yung bulaklak at kaunting pagkain na aking niluto ay okay na din para sa kanya.

Longa Penne pasta, chicken potato salad at french toast ang inihanda kong almusal.   Salamat naman at nagustuhan niya ang aking niluto.

After ng almusal ay naghanda naman kami para mag-simba at magpasalamat sa dakilang araw na yun.   Sa Greenbelt sa Makati kami nagsimba.  Yun lang medyo na-late na kami ng bahagya kaya nakatayo na kami sa kabuuan ng misa.

After naming mag-simba, hanap naman kami ng resto na pwede naming kainan.   At dahil mother's day nga, nahirapan kami makahanap ng resto na hindi puno.   Marami kaming tiningnan until we decided na sa Pizza Hut sa may Glorietta 4 kami kumain.   Ayos naman dahil maluwag at hindi ito puno.   Yun pala kaya ganun ay sira ang kanilang airconditioning unit at blower at lectric fan lang ang ginagamit.   Aatras na sana kami pero napagpasyahan na din na dun na lang kumain.

Dapat sana sa Shakeys kami kakain sa hiling na din ng panganay kong anak na si Jake.   Gusto daw kasi niya ng mojos.   Pero yun nga puno ito at mahaba ang pila.   Kaya nang nasa Pizza Hut na kami, nang makita niya itong Fried Patatas na ito ay hiniling niya na mag-order ako.

Waldorf Salad naman ang ni-request ng Asawa kong si Jolly.

At itong Crab Salad Spring Roll na lagi naming ino-order basta kumakain kami sa Pizza Hut.

Nag-order din kami nitong Fried Chicken Wings na may barbeque sauce at sour cream na sauce.

Syempre mawawala ba ang pizza na paborito ng aking mga anak.

May free dessert na ibinigay din ang resto.    Fruits and mallows na may chocolate dip.

Nakaraos naman ang aming mother's day lunch.   Yun lang may mga sablay talaga sa resto na ito na aming kinainan at hayaan nyong maibahagi ko din ito sa inyo.   At kung may makakabasa din naman na taga pizza hut especially itong may ari ng Glorietta 4 branch I hope maisaayos nyo ang inyo store.

Una, sablay talaga ang aircon.   Sa tindi ng init na ito ng panahon natural lang na hahanap ang customer ng resto na maayos ang airconditioning unit o kahit papaano ay malamig ang pakiramdam mo habang kumakain.   Pero yun  nga buti na lang at inilagay kami sa hindi masyadong mainit na parte ng resto.

Pangalawa, 2 lang ata ang crew na nagse-serve.  Considering na may okasyon expected na talaga na maraming customer na kakain.   Kaya ayun, ang tagal ng mga service at di talaga magkanda-ugaga ang 2 crew.   Pati nga yung cashier ay nagse-serve na din.

Pangatlo ay ang pagkain.   Ilang beses na din kami nakakain sa branch na ito ng pizza hut pero napansin ko talaga na nagbago ang mga pagkaing kanilang sine-serve.   In terms ito ng quality at quantity.    Tingnan nyo yung pizza ang konti ng toppings.   Akala ko nga nagkamali ng serve.   Sabi ko..yan ba yun?   Pero hinayaan na lang namin dahil ang tagal nito na-serve at gutomna talaga ang mga bata.   Yung crab spring roll, hindi ganun yung dati naming nakakain dito.   At yung chicken wings ang liliit.   Isama mo na din yung dessert....yung choco dip nasa plastic na lalagyan?   Well kahit sabihin pa na free ito.   Kung hindi ko nga itinanong sa crew nabayaran din namin ito.   Nakasama kasi sa bill e di ba free nga ito.   Ayun binago nila ang bill.

I hope maayos ito ng pizza hut.   Sayang naman, ang dami pa namang masasarap na dish na ino-offer nila dito.   Otherwise, baka lalo kayong matalo ng maraming pizza resto na kagaya ng sa inyo.   People always wants value for their money.   Di ba?

HAPPY MOTHER'S DAY sa lahat!!!!