KIMCHI FRIED RICE - My Own Version

Parte ng premyo sa pagkapanalo ko sa Alaska Kitchen Challenge ay ang isang half day cooking class with Chef Kai Padilla.  

Bale isang complete course ang itinuro sa amin from appetizer to dessert.   Isa na nga sa mga dish na itinuro ay itong Kimchi Fried Rice.

Nitong nakaraan kong kaarawan, naisipan kong lutuin ito para sa aking mga ka-officemate.   Pero syempre kadalasan nilalagyan ko ng twist ang original na recipe na natututunan ko.   Sa dish na ito, sa halip na beef, pork ang ang ginamit ko.  At sa halip na hipon (medyo mahal kasi) squid balls naman ang aking ipinalit.   Also, nilagyan ko na ng flavor ang rice habang isinasaing ko ito. 

Ang resulta?   Masarap at nagustuhan talaga ng mga naka-kain.   Kaya nga ni-request ng asawa kog si Jolly na magluto ulit ako nito sa birthday naman ng aking panganay sa Sep. 22.


KIMCHI FRIED RICE - My Own Version

Mga Sangkap:
10 cups Long Grain Rice (Jasmin)
2 pcs. Pork Cubes
500 grams Pork Loin (cut into strips)
250 grams Kimchi (cut into small pieces)
250 grams Squid Balls (quartered)
1 cup Green Peas
3 pcs. Eggs (beaten)
1/2 cup Spring Onion (chopped)
3 tbsp. Cooking Oil
1 head minced Garlic
1 large Red Onion (chopped)
1/3 cup Soy Sauce
Salt or Patis to taste

Paraan ng pagluluto:
1.   Isaing ang bigas kasama ang 2 pcs. na Pork Cubes.   Kung mayroon kayong pork stock o yung pinagpakuluan ng baboy mas okay.   Gawin ito the night before lutuin ang fried rice.   Mainam na malagay muna sa fridge ang nalutong pinalamig na kanin.   Kung lulutuin na, himay-himayin ito at tiyaking walang buo-buong kanin.

2.   Sa isang non-stick na kawali, i-prito ang squid balls hanggang sa maluto.   Hanguin sa isang
lalagyan.
3.   I-prito na din ang binating itlog at hanguin din sa isang lalagyan.

Note:    Kung may malaki kayong kawali mas mainam.   Kung wala naman, lutuin nyo lang ito by batch.  hato-hatiin nyo lang ang mga sangkap na gagamitin depende sa bilang ng batch.
 
4.   Sa isang non-stick na kawali i-prito ang pork loin sa mantika hanggang sa maluto.
5.   Sunod na igisa ang bawang at sibuyas.
6.   Ilagay na din ang kimchi, green peas at timplahan ng toyo.  Halu-haluin.
7.   Sunod na ilagay ang kanin at timplahan ng asin o patis.   Halu-haluin hanggang sa ma-coat ng kulay ng kimchi ang lahat ng kanin.
8.   Ilagay na ang nilutong squid balls at haluing muli.
9.   Tikman at i-adjust ang lasa.
10.   Hanguin sa isang lalagyan at lagyan sa ibabaw ng chopped fried eggs at chopped spring onions.

Ihain habang mainit pa.

Enjoy!!!!

Note:
Kung gusto nyo na medyo spicy pa, lagyan nyo pa ng nais na dami ng chili garlic sauce.


Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/p...
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt...
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg...
Read more