PESANG ULO NG SALMON

Para sa akin, kapag masarap na ang isang isda, hindi ko na ito nilalagyan pa ng kung ano-anong pampalasa o rekado.   Tama na sa akin ang lutuin ito sa pinaka-simpleng pamamaraan kagaya ng pag-ihaw o yung sasabawan.

Kagaya nitong isdang salmon.   Alam naman natin masarap na isda ito at may kamahalan.   Sa kahilingan na din ng aking asawang si Jolly, napabili ako ng ulong bahagi nito para kako masabawan.   Mainam naman at yung nabili ko ay yung malaman at maganda ang pagka-cut at may kasama pang buntot na parte.

Pesa o nilaga ang ginawa kong luto dito.  Maging ang gulay na sinahog ko dito ay dalawang klase lang.   Bok choy o Chinese pechay at patatas.   Kaya naman ang kinalabasan ay isang masarap na sinabawang isda na tamang-tama sa maulan panahon na ito.


PESANG ULO NG SALMON

Mga Sangkap:
2 pcs. Ulo ng Salmon (cut into serving pieces)
Bok Choy o Pechay tTagalog
2 pcs. medium size Potato (quatered)
1 tsp. Whole Pepper Corn
2 thumb size Ginger (pitpitin)
1 pc. large size Onion (quatered)
1/2 tsp. Magic Sarap (optional)
Salt to taste

Paraan ng pagluluto:
1.  Sa isang kaserola, magpakulo ng tubig depende sa nais na dami ng sabaw.    Kasamang pakuluan ang pinitpit na luya, sibuyas at patatas.  
2.   Kapag malapit nang maluto ang patatas, ilagay na ang hiniwang ulo ng salmon at timplahan ng asin at pamintang buo.   Hayaan ng mga 5- minuto.
3.   Timplahan ng magic sarap at ilagay na din ang bok choy o pechay tagalog.
4.   Tikman ang sabaw at i-adjust ang lasa.

Ihain habang mainit pa ang sabaw.

Enjoy!!!!

Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more