MIX FRUIT GELATIN

Hindi ganun kaganda ang pict nitong recipe natin for today.   Pero, hindi ko pa rin mapigilan na hindi ito i-post dahil sa sarap ng lasa nito.

Yes, parang ordinaryong gelatin dessert lang siya pero dahil na rin siguro sa kombinasyon ng mga prutas na aking ginamit at sa prosesong aking idinagdag, lumabas talaga ang fruity flavor ng mga prutas.

Sa totoo lang disaster ang dessert kong ito.   Nung una clear na gelatin ang aking ginamit para kako lumutang yung ibat-ibat kulay ng mga prutas.   Pero laking pagtataka ko dahil hindi ito nabuo kahit na lumamig pa at nailagay ko na sa fridge.   Ang ginawa ko, nag-boil ako ulit ng gulaman at nilagyan ko ng kaunting pandan essence at saka ko pinakuluan ang mga hindi nabuong clear na gelatin.   At ito na nga ang kinalabasan.   Isang masarap na dessert na pwedeng-pwede din nating ihanda sa nalalapit na Noche Buena.


MIX FRUIT GELATIN 

Mga Sangkap:
1 sachet Mr. Gulaman (Green color)
1 tsp. Pandan Essence
White Sugar to taste
Pakwan
Hinog na Mangga
Seedless Grapes
Winter Melon
Papaya
Mansanas

Paraan ng pagluluto:
1.   Hiwain ang mga prutas sa nais na laki.
2.   Magpakulo ng 4 na basong tubig at asukal na puti.
3.  Tunawin ang gulaman powder sa 1 tasang tubig.
4.   Ibuhos ang tinunaw na gulaman at lahat ng hiniwang prutas.  
5.   Ilagay na din ang pandan essence.   Hayaang kumulo ng mga 2 minuto na patuloy na hinahalo.
6.   Isalin ito sa mga hulmahan at palamigin.

Ihain na medyo malamig.   Maaari ding lagyan ng cream sa ibabaw.

Enjoy!!!!!

Comments

Anonymous said…
Parating kong binabasa ang blog mo dahil sa mga recipes. Dati, gumawa rin ako ng gulaman for dessert at ginamit ko fresh mango at hindi rin siya nag-set. Later on, nalaman ko na ang mga fresh fruits ay may enzymes na pumipigil sa pag-set ng gulaman. Kung fresh fruits talaga ang nais mong gamitin, pwede ring gamitin ito pero kailangang lutuin bahagya sa syrup. I-try mo kung magwo-work ang suggestion ko.
Good luck sa iyong blog.
November 20, 2014 at 5:42 AM
Dennis said…
Salamat....Thats what I did...niluto ko muna dun sa gulaman mixture na may sugar and um-okay na.
November 20, 2014 at 9:20 AM
Anonymous said…
baka ang ibig sabihin ni anonymous e lutuin muna separately ung fruits sa syrup before isama sa gulaman...
lage po ko din po ni check ang blog nyo kase simple at masarap ang mga recipes nyo. more power po! and more cooking!
December 8, 2014 at 3:41 AM
Dennis said…
Ganun nga....and thank you for supporting my blog.

Dennis
December 9, 2014 at 9:27 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more