CRABS in COCO-CHILI-GARLIC SAUCE


Mahaba-haba din itong nakaraang bakasyon natin kung saan walang pasok ang mga opisina at mga eskwelahan dahil sa pagdalaw ng Santo Papa sa ating bansa.

Komo wala ngang pasok, naisipan kong magluto ng espesyal na tanghalian para sa aking pamilya.   Maaga akong pumunta sa Farmers market sa Cubao para mamalengke.   Hindi ko alam nung una kung ano ang lulutuin ko utnil makita ko itong alimango na punong-puno ng aligue.   Bumili ako ng mahigit isang kilo nito mga 4 na malalaking piraso at yun nga ang naisip kong lutuin.   Naisip ko ding masarap kako na gataan ito at lagyan ng chili garlic sauce.   At ito na nga ang kinalabasan.   isang masarap na pananghalian para sa mga mahal ko sa buhay.



CRABS in COCO-CHILI-GARLIC SAUCE

Mga Sangkap:
4 pcs. large size Female Crabs
2 cups Pure Coconut Milk
1 tbsp. Chili Garlic Sauce
2 thumb size Ginger (cut into strips)
1 pc. Onion (sliced)
5 cloves Minced Garlic
Salt and pepper to taste
1/2 tsp. Maggie Magic Sarap (optional)
3 tbsp. Cooking Oil

Paraan ng pagluluto:
1.   I-steam muna ang alimango sa loob ng 15 minuto.    Palamigin at hatiin sa dalawa.   Gagawin ito para maluto muna ang taba ng alimango para di sumama sa sauce kapag iginisa na.
2.   Sa isang kawali, igisa ang luya, bawang at sibuyas sa mantika.
3.   Ilagay na gad ang alimango, gata ng niyog, chili garlic sauce at timplahan ng asin, paminta at maggie magic sarap.   Halu-haluin para malagyan ng sauce ang lahat na parte ng alimango.   Hayaang kumulo ng mga 15 minuto.
4.   Tikman ang sauce at i-adjust ang lasa.

Ihain habang mainit pa.

Enjoy!!!!



Comments

Anonymous said…
Haay, ang sarap. Kasalanan! Hehehehe....Mommy Marie
January 22, 2015 at 4:24 PM
Dennis said…
No....okay lang yan Mommy Marie....basta paminsan-minsan lang....hehehehe
January 23, 2015 at 9:12 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/p...
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt...
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg...
Read more