BAKED CHICKEN CORDON BLEU

May ilang recipes na din ako nitong Chicken Cordon Bleu sa archive.   Sa mga recipes na ito, pa-prito ang ginagawa kong pagluto dito.   Ang nagiging problema minsan kapag pa-prito hindi nalulutong mabuti ang loob lalo na kung may kakapalan ang chicken fillet na ginamit.   Also, may tendency na bumuka ang bawat roll nito habang pini-prito.

This time para maiwasan ang ganoong problema, sa halip na i-prito, niluto ko na lang ito sa turbo broiler.   Sinapinan ko ng wax paper ang griller at saka ko inilapag ang bawat piraso ng cordon bleu.  Sa pinaka-mainit na setting pa din ang aking ginamit para naman hindi ma-dry ang laman ng manok.   At eto na nga ang kinalabasan.   Isang masarap na putahe para sa ating mahal sa buhay.



BAKED CHICKEN CORDON BLEU

Mga Sangkap:
6 pcs. Whole Chicken Breast Fillet (skinless)
6 pcs. Sliced Sweet Ham
6 pcs. Cheese logs (about 2 inches long)
1 pcs. Lemon or 8 pcs. Calamansi
1 pc. Egg (beaten)
Japanese Breadcrumbs
Salt and pepper to taste
Cooking Oil for frying
For the Sauce:
Mayonaise
Catsup
Salt and pepper

Paraan ng pagluluto:
1.   Gamit ang kitchen mallet pitpitin ang chicken breast fillet hanggang sa numipis ito.   Tiyakin lang na hindi masisira o mabubutas ang laman ng manok.
2.   Timplahan ito ng asin, paminta at katas ng lemon o calamansi.   Hayaan ng ilang sandali.
3.   Ilatag ang isang piraso ng pinitpit na chicken fillet at lagyan sa ibabaw ng 1 pirasong sliced ham at 1 piraso cheese logs.
4.   I-roll ito ng mahigpit at tiyakin na hindi nakalabas ang ham at cheese.
5.   Igulong ito sa binating itlog at pagkatapos ay sa Japanese breadcrumbs naman.
6.   Ilagay muna sa fridge ng mga 2 oras.
7.   Lutuin ito sa oven o turbo broiler sa init na 250 to 300 degrees hanggang sa medyo pumula ang balat.
8.   For the sauce, paghaluin laman ang mayonaise, catsup, asin at paminta.
9.   Palamigin muna ng bahagya ang chicken cordon bleu bago i-slice.

Ihain kasama ang sauce na ginawa.

Enjoy!!!!!

Comments

working mom said…
mas masarap po if lalagyan niyo po ng pickle sticks yung cordon bleu
February 9, 2017 at 6:34 PM
Dennis said…
Thanks Working Mom...susubukan ko itong suggestion mo.

Regards,

Dennis
May 5, 2017 at 8:53 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more