KARE-KARENG MANOK

Nitong huling pag-a-outing namin sa Pangasinan, bumili ang aking asawang si Jolly ng bagoong alamang bilang pasalubong at para pang-gamit na din sa bahay.   Masarap talaga ang bagoong sa kanila kaya naisipan kong magluto ng kare-kare na tamang-tamang  katerno ng bagoong.

But this time manok ang laman na aking ginamit.   Medyo may kamahalan kasi ang baka at hindi naman mahilig ang aking mga anak sa lamang loob ng baka o baboy.   Also, instant kare-kare mix lang ang ginamit ko pero dinagdagan ko pa ng peanut butter for extra creaminess.   At viola!  isa na namang masarap na ulam ang aming pinagsaluhan.


KARE-KARENG MANOK

Mga Sangkap:
1 whole Chicken (cut into serving pieces)
1 sachet Kare-kare Mix
2 tbsp. Peanut Butter
Pechay
Talong
Sitaw
Puso ng saging
5 cloves Minced Garlic
1 pc. large Onion (sliced)
2 tbsp. Cooking Oil
Salt and pepper to taste

Paraan ng pagluluto:
1.   Sa isang heavy bottom na karerola, igisa ang bawang at sibuyas sa mantika.
2.   Ilagay na agad ang hiniwang manok at timplahan ng asin at paminta.    Takpan at hayaang masangkutsa.
3.   Sunod na ilagay ang kare-kare mix.   Halu-haluin at hayaan ng 5 minuto.
4.  Sunod na ilagay ang sitaw at puso ng saging.   Takpan muli at hayaang maluto ang gulay.
5.   After lang ng ilang minuto ay ilagay na ang talong at ang peanut butter.  Takpan muli.
6.   Huling ilagay ang pechay.
7.   Tikman ang sauce at i-adjust ang lasa.

Ihain habang mainit pa kasama ng bagoong alamang.

Enjoy!!!!


Comments

Anonymous said…
ano pong brand ng kare-kare mix ang ginamit ninyo?
May 9, 2015 at 7:41 AM
Dennis said…
Mama Sitas ang madalas kong gamitin. But for this recipe Del Monte ginamit ko.
May 9, 2015 at 8:17 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more