MAJA MAIZ - Ang Gusto kong texture


Ilang beses na din akong nakapagluto nitong Maja Maiz na ito.   Although, masarap naman talaga ang pagkaluto nito, hindi pa rin ako satisfied sa texture ng finished product.   Kaya ang ginawa ko, nag-adjust ako sa sukat ng mga sangkap at tinandaan ko talaga.   Madalas kasi tantya-tantya lang ang aking ginagawa.

Ito pala ang dessert na aking inihanda sa espesyal na pananghalian na ginawa ko last June 24.  Ni-request kasi ito ng aking mga kaibigan at pinagbigyan ko naman sila.   Kaya ayun, ilang araw na ay topic pa din ang masarap na Maja Maiz na ito.   hehehehe


MAJA MAIZ - Ang Gusto kong texture

Mga Sangkap:
200 grams Cornstarch
1 can (370ml) Alaska Evaporated Milk
2 tetra brick Alaska Crema
1 can (370ml) Coconut Milk
1 can (425grams) Whole Kernel Corn
Grated Cheese
White Sugar to taste (about 2 cups)

Paraan ng pagluluto:
1.   Sa isang kaserola, pakuluin ang gata, whole kernel corn na kasama ang sabaw, evaporated milk at asukal ayon sa inyong panlasa.
2.   Tunawin ang cornstarch sa 1 can (370ml) na tubig.
3.   Kapag kumulo na ang gata at gatas, ilagay na ang tinunaw na cornstarch.   Haluin nang haluin.
4.   Kapag lumapot na ang pinaghalong sangkap, hinaan ang apoy at ilagay ang Alaska Crema o all purpose cream.   Patuloy na haluin hanggang sa mahalo ang cream sa lahat ng sangkap.
5.   Isalin sa hulmahan (plastic dish container)
6.   Ibudbod sa ibabaw ang grated cheese habang mainit pa.

Palamigin muna bago i-serve.

Enjoy!!!!!

Comments

digee said…
Hello po..pwede po malaman kung anong brand ginamit nyong coconut milk? Ung iba po kcng naka can pangit ng lasa hehe :)
July 1, 2015 at 11:49 AM
Dennis said…
Kahit yung Bonus brand sa SM supermarket ay okay lang.
July 1, 2015 at 2:02 PM
Jenny said…
Okay din po ba ang gata nalang talaga ng niyog? Planning to make this as dessert on my wedding day, mga 150 person hehe :)
August 10, 2015 at 2:53 PM
Dennis said…
Pwede naman...actually mas masarap nga kung gata talaga ng niyog ang gagamitin. Tantyahin mo na lang ang dami na kailangan. siguro 3 cups ang bawat lata ang katumbas.
August 11, 2015 at 3:50 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more