NO-BAKE LASAGNA

July 21, 2015

Ito yung espesyal na breakfast na inihanda ko sa birthday ng aking asawang si Jolly. No-Bake Lasagna.

May ilang recipes na din ako nito sa archive pero masasabi kong ito ang the best sa lahat ng naluto ko. Yung mga nauna kasi medyo masabaw ang kinalabasan. Naisip ko baka dahiul dun sa tomato sauce na aking inilagay. So sa halip na tomato sauce tomato paste naman ang ginamit ko sa isang ito. At tama nga, hindi siya masyadong ma-sauce at tamang-tama ang kinalabasan. Take note no-bake nga ang version kong ito.

NO-BAKE LASAGNA

Mga Sangkap:
300 grams Lasagna Pasta (Cooked according to package directions)
1/2 kilo Ground Pork
250 grams Bacon (cut into small pieces)
1 can Sliced Mushroom
2 cups Tomato paste
1 tsp. Dried Basil
1/2 cup Grated Cheese
1 head Minced Garlic
1 pc. large Onion (chopped)
2 tbsp. Olive Oil
Salt and pepper to taste
For the White Sauce Toppings:
1/2 Cup Flour
1/2 cup Melted Butter
2 tetra brick All Purpose Cream
2 cups Grated Cheese
Salt to taste

Paraan ng pagluluto:
1. Lutuin ang lasagna pasta according to package direction. Alisin sa apoy ang kaserolang pinaglagaan at hayaan pang nakababad ang pasta sa pinaglagaan.    I-drain.
2. Sa isang kawali, igisa ang bawang at sibuyas sa olive oil.
3.   Isunod na agad ang giniling na baboy at timplahan ng asin at paminta.    Halu-haluin hanggang sa mawala ang pagka-pink ng karne.
4.   Sunod na ilagay ang dried basil, hiniwang bacon at sliced mushroom. Patuloy na haluin.
5.   Sunod na ilagay naman ang tomato paste.   Halu-haluin hanggang sa mag-blend mabuti ang tomato paste sa karne.
6.   Huling ilagay ang grated cheese.
7.   Tikman ang sauce at i-adjust ang lasa.    Set aside.
8. I-assemble na ang lasagna at meat sauce: Sa isang baking dish o pirex na lalagyan, ihelera ang nilutong lasagna pasta sa bottom ng lalagyan. Lagyan ng nais na dami ng meat sauce at pagkatapos ay pasta ulit.   Ulit-ulitin lang ang proseso.
9.   For the white sauce toppings:    Ilagay ang melted butter at harina sa isang not stick na kawali.   Halu-haluin
10.   Kapag na-mix na namabuti ang harina ang butter ilagay na ang all purpose cream at timplahan ng kaunting asin at ang 1 cup na grated cheese.   Haluin na mabuti hanggang sa lumapot.
11.   Tikman ang sauce at i-adjust ang lasa.
12.   Ibuhos sa ibabaw ang white sauce sa ni-layer na lasagna at meat sauce.
13.   Ibudbod ang 1 cup pa na grated cheese sa ibabaw.

Ihain habang mainit pa.

Enjoy!!!!