CHICKEN ASADO

Narito ang isa na namang dish na maipagmamalaki ko. Masarap kasi talaga. Isa naman namang lutuin na baboy ang pangunahing sangkap pero manok ang ating ginamit. Chinese asado ang lutuing ito. Kaiba sa ibang asado na tomato sauce ang base na ginagamit. Minsan magluluto ako ng asado na ganito ang gamit.

Wala akong masabi iba kundi masarap talaga ito....hehehehe

CHICKEN ASADO

Mga Sangkap:

8 pcs. Chicken legs

250 grams Chinese Pechay

1/2 cup soy sauce

1/2 cup Oyster Sauce

1/2 cup Muscova Sugar or brown sugar

3 tbsp. Pure Honey

5 pcs. Star Anise

1 thumb size ginger grated

1 large Red onion chopped

1 head minced garlic

2 tbsp. Sesame Oil

salt and pepper

Paraan ng Pagluluto:

1. Sa isang kaserola, ilagay lahat ng sangkap maliban sa Chinese Pechay, Honey at Sesame Oil.

2. Hayaang kumulo hanggang sa maluto ang karne ng manok. Lagyan ng tubig kung kinakailangan. Patayin ang apoy ng kalan kung luto na.

3. Sa kawali o non-stick pan, maglagay ng kaunting sesame oil at sabaw ng pinaglutuan ng manok. Lutuin dito ang Chinese pechay. Hanguin at iayos sa isang lalagyan.

4. Lagyan pa ng sabaw ang kawali. Ilagay ang Honey.

5. Isa-isang igulong dito ang mga manok na niluto Kagaya ng nasa larawan sa ibaba.

6. Hanguin at iayos kasama ng nilutong chinese pechay

7. Ilagay ang natitira pang sauce sa kawali. Halu-haluin hanggang sa medyo lumapot ang ang sauce.

8. Ilagay sa ibabaw ng manok ang sauce.

Ihain habang mainit.

Enjoy!!!