PAN GRILLED BONELESS BANGUS

After ng napakahabang holiday at kuta-kutakot na kainan, medyo umay na tayo sa karne at manok na ulam. Kaya naman ang hinahanap ng dila at panlasa natin ay yung pang-tanggal sa umay at lasa ng karne. Isda at gulay ang sagot dito. Kaya naman nitong isang araw ay naisipan kong mag-ihaw ng bangus para sa aming hapunan.

Nung una problema ko ang pag-iihaw sa tinitirhan ko at ng aking pamilya. Sa isang maliit na condo kasi kami nakatira at wala talagang space para makapag-ihaw ka. Bakit hindi iihaw sa kalan o kung tawagin natin ay pan grill? Yun lang iba pa rin talaga ang ihaw sa baga. May smokey taste kasi ang ihaw dun.

So ito nga ang entry natin for today, Pan Grilled Boneless Bangus. Pangkaraniwan at napakadali lang lutuin nito. Try nyo kung papano ko ito niluto.



PAN GRILLED BONELESS BANGUS



Mga Sangkap:


1 large Boneless Bangus

1 large White Onion chopped

2 large tomatoes chopped

1 thumb size ginger finely chopped

1 tsp. ground pepper

1 tsp. garlic powder

1 tbsp. rock salt

1 tsp. maggie magic sarap

1 tbsp. Sesame oil


Paraan ng Pagluluto:

1. Hugasang mabuti ang boneless na bangus.

2. Budbudan ng asin, paminta, garlic powder at maggie magic sarap ang lama ng bangus. Hayaan ng mga 1 oras.

3. Sa isang bowl, paghaluin ang sibuyas, kamatis at grated ginger. Lagyan din ng kaunting asin.

4. Ipalaman ito sa bangus. Lagyan ng sesame oil ang aluminum foil at saka balutin. Isara ang magkabilang gilid.

5. I-ihaw ito sa baga o kaya naman ay sa flat na kawali hanggang sa maluto.



Ihain ito na may kasamang sawsawan na pinaghalong katas ng calamansi, toyo, suka at kaunting asukal.



Enjoy!!!!

Comments

cool fern said…
ganitong ganito din ang inihaw ko kaya lang walang boneless na nabibili dito..ang boneless ay yong may timpla na...
January 9, 2010 at 4:57 AM
Dennis said…
Mula nung naging available sa supermarket d2 at kahit sa palengke ang boneless bangus....hindi na akong kumakain nung may tinik pa....hehehehe. Walang kwenta yung na-marinade na....mas masarap yung fresh talaga.


Dennis
January 9, 2010 at 12:02 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/p...
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt...
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg...
Read more