CRISPY CALAMARES


No...hindi ako nagkamali ng post ng picture na nasa itaas. Calamares talaga yan. Akala nyo siguro ay chicken nuggets ano? Hehehehe. Explain ko kung bakit ganyan ang itsura.

Ang madalas siguro na nakikita natin na calamares ay yung squid rings. Yes, nung unang bese na nagluto ako nito ay napalpak. Bukod sa malata ang kinalabasan ay umurong pa ng husto ang pusit. Kaya naman nitong pangalawang beses na nagluto ako ito, tinandaan ko na ang mga pagkakamali ko. Una, dapat hindi masabaw o matubig ang pusit na lulutuin. Maaring dampian ito ng paper towel para maalis ang extrang tubig. Pangalawa, hindi yung squid rings ang ginamit ko dito. Ang ginamit ko ay yung malalaking pusit na nahiwa na nang pa-strip. tong ginamit ko dito ay nabili ko sa SM Supermarket.

Try nyo ito. Nagustuhan talaga ng mga bata. Masarap itong appetizer, pang-ulam o kaya naman ay pulutan.


CRISPY CALAMARES

Mga Sangkap:
1/2 kilo Large Squid/Pusit (cut into strips or rings)
1 egg beaten
1 tsp. Katas ng luya
Juice from 1/2 Lemon
1 cup Flour
2 cups Japanese Bread crumbs
Salt and pepper to taste
1 tsp. Maggie magic Sarap
Cooking oil for frying (dapat mga 1 inch ang lalim sa kawali)

Paraan ng pagluluto:
1. I-marinade ang pusit sa katas ng luya at lemon, at timplahan ng asin,paminta at maggie magic sarap. Hayaan ng mga 5 minuto.
2. Sa isang bowl, pagsamahin ang harina at binateng itlog hanggang sa makagawa ng batter. Timplahan ng kaunting asin at paminta.
3. Sa pamamagitan ng paper towel, tuyuin ang minarinade na pusit.
4. Pakuluin na ang mantika sa kawali.
5. Itubog ang pusit sa batter, i-gulong sa japanese bread crumbs at saka ihulog sa kumukulong mantika.
6. Hayaang maluto hanggang sa mag-golden brown ang kulay.
7. Hanguin sa isang lalagyang may paper towel.

Ihain na may kasamang mayonaise na may catsup o kaya naman ay suka na may kauting asin at sili.

Enjoy!!!!

Comments

J said…
Paborito ko yang calamares, kuya. Pero ang tawag ng mga pamangkin ko sa calamares ay "Squidward" dahil sa cartoons na SpongeBob.
July 4, 2010 at 8:09 PM
Dennis said…
Hahahaha....thanks J....Masarap talaga ang calamares...lalo na kung sa suka na may sili mo ito isasawsaw. Dito nga sa 'Pinas uso yung kariton na nagtitinda ng bagong lutong calamares. parang fishball...hehehehe. 3 pesos ang isang ring...hehehe

Dennis
July 5, 2010 at 7:25 AM
Maricel said…
Try mo to...Binabanlian ko yung squid rings tapos drain agad pagbumilog na. Marinate in patis, pepper and kalamansi juice. Paglulutuin na, add eggwhite and cornstarch - light lang yung coating. Tapos Igulong yung squid rings sa mixture ng flour and rice flour (wag glutinous rice flour, iba yun) and deep fry
July 5, 2010 at 3:36 PM
Lady Patchy said…
salamat sa mga recipe nyo dennis at maricel.noted lahat ito pagbili ko ng pusit
July 5, 2010 at 5:35 PM
Dennis said…
Thanks Maricel...susubukan ko yan next time na magluto ako ng calamares...hhehehe
July 5, 2010 at 8:29 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more