CHOCO GELATIN with PEANUT BUTTER TOPPINGS

Sa totoo lang hindi ko alam kung ano ag itatawag ko sa dessert na ito.   Dalawa lamang ang pangunahing sangkap na ginamit ko dito except syempre sa peanut butter na ginawa kong toppings.  

Nakabili kasi ako ng instant choco drink powder na akala ko ay magugustuhan ng aking mga anak.   Ilang weeks na din pero hindi pa rin ito nauubos.   Naiisip ko lang baka pa-expire ito at masayang lang.   Naisipan kong ihalo ito sa gelatin powder para maging isang pudding o dessert.   Hindi ko na ito nilagyan ng asukal dahil matamis na yung choco powder.   Simpleng-simple lang kung papaano ko ginawa ito.  Nilagyan ko na rin lang ng peanut butter sa ibabaw to add flavors at para maging katakam-takam sa mata.   Try nyo din po.


CHOCO GELATIN with PEANUT BUTTER TOPPINGS

Mga Sangkap:
3 cup Anchor Choco Powder
1 box Gelatin Powder
3 cups Water
Peanut Butter for toppings


Paraan ng pagluluto:
1.   Paghaluin ang choco powder, gelatin powder and tubig gamit ang blender.    I-blender ito hanggang sa maging pino.
2.   Isalang ito sa isang kaserola at hayaang kumulo habang hinahalo.
3.   Isalin ito sa mga molde o llanera at palamigin.
4.   Kung malamig na, isalin sa plato o platito at lagyan ng peanut butter sa ibabaw.

Ihain na medyo malamig.

Enjoy!!!!

Comments

Popular posts from this blog

Sinigang na Baboy

Tinolang Manok

FOOD SUGGESTIONS para sa mga MAHAL na ARAW