PRITONG MANOK - My Childhood Version


Lahat halos siguro ng mga bata ay paborito itong fried chicken.   Dahil na din siguro sa kabi-kabilang advertisement ng mga fastfood chain sa mga telebisyon at billboards.   Pero ang mga fried chicken na ito ay yung coated ng mga breadings na may halong mga herbs at mga spices.   Ang Max na lang siguro ang hindi gumagamit ng mga breadings na ito.

Kahit noong aking kabataan, paborito ko din ang fried chicken.   Para sa akin espesyal ang okasyon kapag nagluto nito ang aking Inang Lina.  Madalas, ito ang pinapabaon niya sa akin kapag may mga picnic sa school.   Noong araw wala pa nitong mga fastfood chain na ito at ang paraan ng pagluluto ng fried chicken ay napaka-simple lamang.   Sa totoo lang parang nagbalik ang aking kabataan ng matikman ko ang childhood version ko na ito.  Nakakatuwa kasi nagustuhan din ng aking mga anak ang fried chicken ng aking kabataan.   Try nyo din po.


PRITONG MANOK - My Childhood Version

Mga Sangkap:
1 whole Chicken (cut into serving pieces)
10 pcs. Calamansi
1 cup Purong Patis
1 tsp. Ground Black Pepper
Cooking Oil for frying

Paraan ng pagluluto:
1.   Sa isang plastic bag o zip block, ilagay ang lahat na mga sangkap maliban sa cooking oil.   Isara ang plastic bag at ikot-ikot ito para ma-marinade ng husto ang bawat piraso ng manok.   I-marinade ito overnight.
2.   Alisin sa marinade mix at i-prito ng lubog sa mantika hanggang sa maluto at pumula ang mga side nito.

Ihain habang mainit pa na may kasamang banana catsup.

Enjoy!!!!

Comments

Anonymous said…
I've tried your fried chicken.. and masarap talga siya.. one thing lang na hindi ko maintindihan is.. yung lasa ng kalamansi.. yung asim factor niya panu ba yun maalis na hindi kailangang alisin sa ingredient yung kalamansi?.. thankss... im one of your avid fan...hehehe normally routine ko na talga everyday ang pagbabasa ng blog mo... for new recipe..

ainsley_leen:)
Dennis said…
Hi ainsley_leen..... Pwede mong bawasan yung dami ng katas ng calamansi na ilalagay. Pero sa akin ok lang yung may ganung asim. Nagbe-blend siya dun sa alat at lasa ng patis. Thank you sa suporta mo sa blog kong ito. Please share this also among your relatives and friends.

Dennis
Anonymous said…
aaaahh.. sige ganun pala yun hehehe maraming salamat.. dont worry i'll do that.. nga pala..kung okay lang.. 2nd birthday kasi ng daughter ko tomorrow and im still not sure kung anung iluluto ko for panghanda sa bday niya.. can you suggest kung ano ba masarap iluto for bday??... para kasing masyadong common na ang spaghetti.. at fried chicken for bday.. thanks for reply.. god bless:)

ainsley_leen
Dennis said…
Ako kasi kung ano ang gustong ihanda ng may birthday o yung paborito niyang food yun ang inihahanda ko. Nabasa mo ba yung mga post ko sa mga birthday ng mga kids ko? At syempre dapat may noodle dish. Pancit man yan o spaghetti.

Popular posts from this blog

FOOD SUGGESTIONS para sa mga MAHAL na ARAW

Sinigang na Baboy

Tinolang Manok