SINIGANG na BANGUS sa MISO


Nung bata pa ako, madalas na sinigang na bangus ang ulam namin sa bahay. Maraming klase ang sinigang, depende na lang sa pang-asim na gagamitin dito. Komo nga mura lang ang bangus sa amin nung araw, kaya siguro madalas namin itong i-ulam. Hindi ko na matandaan kung kailan huling beses ako nakakain nito. Not until last February 6 sa Giligan restaurant sa Glorietta 5.

Package meal yung in-order namin at kasama nga dito ang sinigang na bangus belly. Nagustuhan ng anak kong si James ang sinigang kaya naman ito ang naisipan kong iluto nitong nakaraang ash wednesday. Ang pagkakaiba nga pala nitong niluto ko dun sa sinigang na nakain ko noong araw ay boneless ang ginamit ko dito. Matinik kasi ang bangus kaya hindi ko ito niluluto sa bahay.... baka matinik ang mga bata. At mula nung makakain ako ng boneless na bangus, hindi na ako sanay kumain nito ng may tinik.....hehehehe.


SINIGANG na BANGUS sa MISO

Mga Sangkap:

2 pcs. Boneless Bangus (hiwain sa nais na laki)

1 taling Kangkong (Gamitin lang yung talbos nito)

1 taling Sitaw (Hiwain ng mga 2 inches ang haba)

1 pc. Labanos (Balatan at i-slice)

1 tali Okra

3 pcs. siling pang sigang
2 pc. kamatis (Hiwain ng apat)

1 pc. Sibuyas (Hiwain ng apat)

2 tbsp. Miso

1 small sachet Sinigang mix

salt o patis


Paraan ng Pagluluto:

1. Sa isang kaserola may kalhating laman na tubig, ilagay ang sibuyas, kamatis at miso. Isalang sa kalan at hayaang kumulo.

2. Kapag kumulo na, hayaan pa ito ng mga 5 minuto at saka ilagay ang sitaw, labanos at okra.

3. Kung malapit ng maluto ang gulay, ilagay na ang bangus.

4. Timplahan na din ng asin o patis ayon sa inyong panlasa. Ilagay na din ang sinigang mix.

5. Huling ilagay ang kangkong. Hayaan ng mga 1 minuto at saka patayin ang apoy ng kalan.

Ihain habang mainit pa ang sabaw.

Enjoy!!!!

Comments

cool fern said…
pwede ba dito ang camote tops,dennis?
February 28, 2010 at 2:44 PM
cool fern said…
i mean camote tops instead of kangkong?pwede ba yon?o mag-iiba ang lasa ng sabaw??nagtatanong lang powww...
February 28, 2010 at 2:46 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more