PASTA CARBONARA with FRESH BASIL


Hindi mawawala sa mga birthday na kainan ang mga noodles or pasta dishes.   Sabi nga, pampahaba daw ito ng buhay.   Hindi naman masamang sumunod kaya nitong kaarawan ng bunso kong anak na si Anton nagluto ako nitong Pasta Carbonara.   White sauce daw kasi ang gusto ng may birthday kaya ito ang niluto ko.

At para mapasarap pa, nilagyan ko din ito ng fresh basil leaves na mas lalong nagpa-tingkad sa lasa ng sauce nito.   Yummy talaga.   Try nyo din po.



PASTA CARBONARA with FRESH BASIL

Mga Sangkap:
1 kilo Spaghetti Pasta (cooked according to package directions)
500 grams Bacon (cut into small pieces)
1 big can Sliced Mushroom
1 big can Alaska full Cream Evaporated Milk
2 tetra bricks Alaska Crema or All Purpose Cream
2 cups Grated Cheese
1 cup Melted Butter
2 cups Chopped Fresh Basil Leaves
1 head Minced Garlic
1 pc. Large White Onion (chopped)
1 tsp. Maggie Magic Sarap
Salt and pepper to taste

Paraan ng pagluluto:
1.   Lutuin ang spaghetti pasta according to package direction.   I-drain.   Kumuha ng mga 2 cup nang sabaw na pinaglagaan ng pasta.
2.   Sa isang kawali o kaserola, i-prito ang bacon sa butter hanggang sa medyo matusta.   Hanguin sa isang lalagyan.
3.   Igisa na ang bawang at sibuyas.   Halu-haluin.
4.   Sunod na ilagay ang sliced mushroom kasama ang sabaw nito.
5.   Sunod na ilagay ang kalhati ng piniritong bacon, evaporated milk, chopped fresh basil at timplahan ng asin, paminta at maggie magic sarap.   Hintaying kumulo.
6.   Sunod na ilagay ang 2 cups na sabaw na pinaglagaan ng pasta, all purpose cream at 1 cup na grated cheese.   Hayaang kumulo ng bahagya.
7.   Tikman ang sauce at i-adjust ang lasa.
8.   Ihalo ang carbonara sauce sa nilutong pasta.   Haluing mabuti.
9.   Hanguin sa isang lalagyan at ilagay sa ibabaw ang natira pang bacon at 1 cup pa na grated cheese.

Ihain habang mainit pa.

Enjoy!!!


Comments

Anonymous said…
salamat sa mga carbonara recipes. na-try ko na yung dried basil ang gamit pero wala nga lang mushrooms. gayumpaman, napakasarap pa rin. ok ang mga recipes dito, very doable at totoong masarap ang kinakalabasan. -sid
August 14, 2015 at 12:51 PM
Anonymous said…
paano po maiiwasang mag-dikit-dikit yung noodles kung ihahanda ito o kaya dadalhin sa potluck? yun po kasi ang napapansin ko sa carbonara.
August 14, 2015 at 12:58 PM
Dennis said…
Thanks Sid :) Please share this also with your friends and relatives.

Dennis
August 14, 2015 at 1:09 PM
Dennis said…
After mo na ma-drain yung bagong lutong pasta lagyan mo ng butter at halu-haluin. With that hindi ito magdidikit-dikit.
August 14, 2015 at 1:10 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more